鍾意DUO嘅原因有幾個：1）向音樂、歌手致敬。2）rundown嘅創意。3）DUO嗰part Eason同班dancer嘅互動。4）上鍊般嘅舞台。5）Charatay（特別係Yoyo）。6）當然，聽Eason唱歌。
1）向音樂、歌手致敬。
當「寂寞夜晚」「浮誇」一過，竟然冇「禁色」聽，心裡面已經唔係好爽，跟住仲要攞走埋個Medley（哥哥、校長、學友、草蜢，一次過冇嗮），最後嚟多個surprise，冇「芳華絕代」！天啊！其他人抱住嚟睇“陳奕迅演唱會”嘅或者覺得冇乜唔妥，但係我本人係好認真咁為致敬而嚟…
2）rundown嘅創意
大馬站嘅rundown：今天等我來、好歌獻給你、落花流水、喜帖街、寂寞夜晚、浮誇、破曉、夕陽無限好、人車誌、裙下之臣、沙龍、全世界失眠、好久不見、愛是懷疑、2011太空漫遊、不如這樣、富士山下、明年今日、與我常在、我的快樂時代、天下無雙、單車、苦瓜、陀飛輪、你的背包。先講數量，台北最少嗰場都有30首歌，香港多過30首，就連鄰國新加坡都有29首，而我地只得25首（26如果加埋Ellen「荒蕪中起舞」）…唉…可悲可悲。跟住講講DUO嗰part，「今天等我來」到「夕陽無限好」只係僅僅8首歌，好難貼到演唱會主題“DUO”咧。Wyman男人N部曲略嫌太少，淨係有車、女人、相機，好彩encore加返只手錶。緊接落嚟一連串華語歌但係又穿插「2011太空漫遊」，我實在捻唔通，仲有點解有「苦瓜」聽嘅？因為新歌一首？我寧願佢唱自己寫嘅歌任何一首，都好過打歌。
3）DUO嗰part Eason同班dancer嘅互動。4）上鍊般嘅舞台。
個場太細喇！完全冇辦法搞互動，原本好煞食嘅“齒輪”舞台竟然要被吊起嗮。可能因為冇咗「禁色」「無人之境」「Medley」等等，DUO版應有嘅dancer劇情都被刪除嗮。又一…唉…
5）Charatay（特別係Yoyo）
點解淨係有兩個人？其他人呢？而且Yoyo成晚都冇乜被focus到 :-(
6）當然，聽Eason唱歌
「今天等我來」一首咁重要嘅歌，唱咗N次，點解會唱錯歌詞？仲要完全冇路咁砌幾句（「今天等我來」係我聽Eason嘅第一只碟，所以對我都好重要）。忘詞成晚都頻頻發生，歌依然唱得好好，但係欠缺誠意。Eason最強嘅（我個人認為）係時時都進入歌嘅意境，將詞嘅含義娓娓細訴，但係今晚絕大部分嘅歌我都淨係聽到佢喺度“唱”。
至於吹水嗰部分，我其實唔係好介意，如果整個show係好睇嘅。但係如果個show欠缺誠意又加吹水嘅話，咁就認真呃水喇！睇完場演唱會得到嘅結論係：我下次一定會飛去香港睇，呢度睇，嘥錢！
2 comments:
1)冇medley part应该系脚伤，不适宜跳，他完左KL個show返HK第2日入厂做手术，所以lee点我5怪佢。lee part的确可以炒热個场，气氛超high,真系可惜
2） 完全同意rundown冇乜Duo,不合主题。不过唱苦瓜我諗5关打5打歌嘅事，应该系宣传人员/主办方的意见。但系首寂寞夜晚真系好听到喊。
3&4）冇辦法啦，想原汁原味唯有HK,走tour系咁嘅啦。但系佢把声真系5错，复原得8899，可能系所有Duo中最好声一场。
5） 走tour得2個和音都系normal嘅,做得称职咪得囉，乜你系yoyo fan咩,lee個系Eason concert 喎.
6）even每次 HK开场头2/3场都系咁ga啦。忘詞甩嘴系佢特色，我都见怪不怪。
其实整個concert佢都5只一次暗示D观众5够high,冇乜反应，outdoor stadium最衰，D观众比反应or讲野佢又睇5到听5到，几乎冇互動，音效又冇咁好，又热又惊落雨，最最最5满意系主办单位嘅古老购票方式，只得排对or打电话（仲要打长途），冇得揀位不特止仲5知买左咩位，吹涨！咁大间机构又赌场又盛，年终搞埋咁多concert，好心就洗D钱搞搞個网上购票系统or比D网上购票代理卖飞啦,宁愿比多几蚊好过個心1516。
sorry, off topic添， 25首歌认真好5够喉，5过瘾。我都等紧佢快D走完Duo红勘再开show,4面台，舞台又靓音响又好.....
敢問anonymous from邊度？
Post a Comment