最喜愛嘅一句「當喪失是得著可不可」，唔單止可以用喺情傷，一切不如意嘅意境都可以用得著。唱咗咁多輪K好多朋友都問過點解淨唱陳奕迅，怪只怪音樂人唔多唔少都會有多少私心，佢地將最利嘅嗰把刀留咗俾Eason，所以無論詞、曲、編，都係一絕。又有人問點解淨唱廣東歌嘎…得罪啲講，太多太多嘅華語歌詞都填得太過表面，好似情愛歌就一定要掛上同樣嗰幾個詞，而且大部分又一定係情情愛愛，冇大愛可言。懷緬喺邊？憐憫喺邊？堅毅故事喺邊？（我係話大多數，唔係話全部）。四聲嘅華語要代替九聲嘅廣東話喺我心裡面嘅地位，應該比登天更難。好慶幸我識得中文，更加慶幸我識得廣東話。多謝我嘅廣東話老師：好多年前嘅Yes雜誌、TVB、同埋廣東歌，或者其實我淨係需要多謝 —— 香港。
不來也不去
作曲：C Y Kong
填詞：林夕
編曲：C Y Kong
揚帆時 人潮沒有你 我是我 和途人一起
停頓時 在你笑開的眼眉 望穿秋水之美
回程時 浪淘盡了你 任背影 長睡著不起
留下我 在糞土當中 翻檢背囊 直到拾回自己
掌心因此多出一根刺 沒有刺痛便懶知
就當共你 有舊情沒有往事
如煙 因給你遞過火 如火 卻也沒熔掉我
回望最初 當喪失是得著可不可
可痛若驪歌 樂如兒歌 像你沒來過 沒去過
誰同行 仍同樣結尾 血液裡 才遺傳悲喜
誰亦難 避過這一身客塵 但剛巧出於你
垂頭前 沒緣份喪氣 睡到醒 才站立得起
盲目過 便看到天機 反覆往來 又再做回自己
即使一生多出一根刺 沒有刺痛別要知
就當共你 有劇情沒有故事
如花 超生了沒有果 如果 過路能重踏過
就當最初 是碎步湖上可不可
不種下甚麼 摘來甚麼
像我沒來過 沒去過
0 comments:
Post a Comment