張山Charatay，岑寧兒

有幾耐冇寫blog？哈哈哈，耐到我都唔記得咗。心血來潮嚟個短post只因為岑寧兒，specific啲，係張山Charatay。好多謝Eason DUO演唱會，係DV度令我認識咗一班好有heart嘅和音（當然仲有其他樂手如Ellen，恭碩良等），而令到我好幾晚睇咗好多個YouTube短片。

張山Charatay組於1999，一班認識喺兒童合唱團嘅朋友。佢地有一個認真夠囂嘅名：張山=Hill Cheung，咁“Charatay”又係乜嘢嚟嘎？你蠱都唔到竟然係『格勒底』（英文armpit）！問你甩肺未;-)。喺YouTube度你會揾到佢地acapella嘅演出，喺度post一兩個先。

至於岑寧兒，其實係岑建勳同埋前妻劉天蘭嘅女，李宗盛嘅學生，從事你噏得出嘅藝術文化（聲樂、電影、攝影、翻譯、紀錄片、場記、買咖啡、買煙等等）。好鍾意佢自然嘅演出，唱歌多咗份感覺，我捻唔係完全因為識唱歌，而係因為識音樂、愛音樂、唱自己嘅音樂。

唔寫喇，夠鐘睏覺！